Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Qindra qytetarë pro-palestinezë në Amerikë protestuan para Shtëpisë së Bardhë kundër kryeministrit izraelit Benjamin Netanyahu, i cili u takua me presidentin amerikan Joe Biden, transmeton Anadolu. Derisa presidenti amerikan Biden priti kryeministrin izraelit Netanyahu në Shtëpinë e Bardhë, shumë demonstrues jashtë Shtëpisë së Bardhë reaguan ndaj politikave në lidhje me Gazën. Shumë rrugë përreth Shtëpisë së Bardhë u mbyllën për shkak të takimit ndërsa policia mbylli edhe Parkun Lafajette përballë Shtëpisë së Bardhë, ku shpesh lejohen protestat. Qindra demonstrues u mblodhën në zonën jashtë Parkut Lafayette, duke brohoritur parulla kundër Netanyahut dhe Bidenit dhe duke bërë thirrje për armëpushim të menjëhershëm në Gaza. Protesta, e shoqëruar me pankarta ku Netanyahu u përshkrua si autor gjenocidi dhe kriminel lufte, vazhdoi aq sa zgjati edhe takimi në Shtëpinë e Bardhë. Një protestë e madhe kundër Netanyahut u mbajt edhe dy ditë më parë me pjesëmarrje të mijëra demonstruesve, teksa ai po mbante fjalim në Kongresin Amerikan.
