Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Qytetar të Mitrovicës kanë shfaqur revoltën nga prania atje e kryeministrit në detyrë, Albin Kurti dhe eskortës së tij me xhipa e truproje të shumta. Ata kanë thënë se nga prania e tij është tensionuar situata dhe kjo ka bërë që pronari i lokalit ku ishte i pranishëm kryeministri Kurti, ta mbyll lokalin me qëllim të parandalimit të tensionimit të mëtutjeshëm të situatës. “Asnjë palë nuk ka kërku me u liru hapësira, por e pashë që është duke dalë prej kontrolle gjendja. Unë e mora vesh prej punëtorëve, më kontaktuan që po vjen Albin Kurti. Unë erdha me njëherë me prit në mënyrë më të mirë, se është kryeministër por e pashë që po eskalon situata”, ka thënë për medie, qytetari, Gani Haziri. Ai ka shtuar më tutje se “ne nuk deshtëm me bo probleme e me nxit incident dhe vendosem me i shpërnda të gjithë. Nuk kemi nevojë për përçarje, shantazhe e gjëra që nuk iu takojnë mitrovicalive. Ne dimë me votu, me shku në qendra të votimit e nuk kemi nevojë për shantazhe. Ai(Kurti) ka dashtë me ardh në turmë, ne kemi shpreh pakënaqësi. Nuk është asgjë, por mos eja me provoku. Shkurt shqip jemi vllazni, e mos hajde me kriju përçarje. Pronari nuk deshti incident”.
