Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëvëndës Sekretarja e NATO-s, Radmila Shekerinska, ka reaguar ndaj spekulimeve që sugjeronin tërheqjen e trupave amerikane nga misioni i KFOR-it në Kosovë, duke i quajtur këto pretendime si të pasakta. Shekerinska ka theksuar se NATO mbetet e angazhuar për vazhdimësinë e misionit të KFOR-it dhe se aleatët e Aleancës, përfshirë Shtetet e Bashkuara, kanë dërguar trupa shtesë për të mbështetur këtë mision. Ajo ka shtuar se nuk ka vend për dyshime rreth përkushtimit të NATO-s, ndaj sigurisë dhe stabilitetit në Kosovë dhe rajon, duke e cilësuar angazhimin e Aleancës si të pandryshueshëm. Shekerinska ka përmendur gjithashtu vizitat e fundit të Sekretarit të Përgjithshëm të NATO-s dhe të saj, të cilat kanë dëshmuar angazhimin e vazhdueshëm të Aleancës për të mbështetur dialogun dhe stabilitetin në Ballkanin Perëndimor. NATO mbetet e angazhuar për një zgjidhje politike të qëndrueshme, që mund të arrihet vetëm nëpërmjet dialogut.
