Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari aktual i Komunës së Drenasit, Ramiz Lladrovci, ka lënë të hapur mundësinë për të rikandiduar në zgjedhjet e ardhshme lokale, por theksoi se vendimi përfundimtar i takon Partisë Demokratike të Kosovës. Lladrovci tha se është i përkushtuar ndaj punës për qytetarët dhe pret që vlerësimi për kandidaturën të bazohet në performancë dhe angazhim institucional. “Ju e dini se i takoj subjektit politik shtetformues dhe shtetndërtues, i cili respekton programin dhe statutin e partisë. Prandaj, pres veprime nga niveli qendror të marrë vendim. Besoj se vendimi do të bazohet në performancë, organizimin e fuqishëm lokal, kontributin në votën nacionale, meritokracinë dhe kapacitetin për të adresuar shqetësimet e qytetarëve”, deklaroi ai. I pyetur nëse do të jetë sërish kandidat për kryetar të Drenasit, Lladrovci u shpreh se si themelues i PDK-së dhe përfaqësues i vullnetit qytetar, ndjen obligim për të vazhduar shërbimin, duke theksuar se është në pritje të vlerësimit të partisë për komponentët e lidershipit lokal.
