Ramosaj: Para lapidarëve të dëshmorëve u përkulëm me krenari e dhimbje, duke kujtuar bijtë më të mirë të këtij vendi

18/02/2026 Institucionet

Kryetari i Komunës së Deçanit, z. Bashkim Ramosaj, së bashku me Nënkryetarin, z. Sami Cacaj dhe bashkëpunëtorët, shënimin e përvjetorit të 18-të Pavarësisë së Republikës së Kosovës, e filluan me homazhe në qendër të qytetit dhe në Kompleksin Memorial në Gllogjan, duke nderuar sakrificën më të shenjtë për lirinë e Kosovës. 

“Para lapidarëve të dëshmorëve u përkulëm me krenari e dhimbje, duke kujtuar bijtë më të mirë të këtij vendi, të cilët flijuan jetën e tyre që ne sot të jetojmë të lirë. Çdo emër i gdhendur në gur flet me heshtje, por me forcë të madhe për guxim, për dashuri ndaj atdheut dhe për lirinë që nuk ka çmim.

Në këto vende të shenjta kujtese, ndjejmë peshën e historisë dhe përgjegjësinë për ta ruajtur lirinë si amanet. Këtu betohemi se sakrifica e dëshmorëve nuk do të harrohet kurrë dhe se Kosova do të ecë përpara, gjithmonë me respekt ndaj gjakut të derdhur për të.

Lavdi dëshmorëve dhe martirëve të kombit!

Lavdi sakrificës që na solli lirinë, ka shkruar në profilin e tij në Facebook, kryetari Ramosaj.

Kontrolloni gjithashtu

U mbajt seanca solemne për nder të Pavarësisë së Kosovës

Kuvendi komunal i Rahovecit sot me nderim dhe përgjegjësi të lartë institucionale, përkujtoj 18-vjetorin e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2026, Të gjitha të drejtat e rezervuara