Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Aleancës për Ardhmërinë e Kosovës, Ramush Haradinaj, ka zhvilluar një takim të rëndësishëm me Emanuele Giaufret, zëvendësdrejtor menaxhues për Ballkanin Perëndimor në Shërbimin Evropian për Veprim të Jashtëm, duke riafirmuar përkushtimin për forcimin e marrëdhënieve me Bashkimin Evropian. Gjatë takimit, Haradinaj dhe zyrtari i lartë evropian diskutuan për zhvillimet aktuale politike në Kosovë dhe rajon, si dhe për proceset integruese euroatlantike. Në fokus të bisedës ishte thellimi i bashkëpunimit me BE-në dhe rikthimi i dinamikës në rrugën integruese të vendit. Haradinaj theksoi se Kosova ka nevojë për vendimmarrje të përgjegjshme dhe partneritet të fuqishëm me aleatët ndërkombëtarë, duke nënvizuar se avancimi drejt anëtarësimit në NATO dhe Bashkimin Evropian mbetet prioritet strategjik. Ky takim konsiderohet si një hap i rëndësishëm në rritjen e angazhimit diplomatik dhe në fuqizimin e pozitës së Kosovës në arenën ndërkombëtare, me synimin për ta kthyer vendin në binarë të sigurt drejt integrimeve euroatlantike.
