Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Aleancës për Ardhmërinë e Kosovës, Ramush Haradinaj ka deklaruar se Policia e Kosovës e Njësiti Special në kuadër të saj, nuk kanë nevojë të qëndrojnë në objektet komunale. “Policia e Kosovës ka detyra bazuar në ligjin në gjithë Kosovën. Ajo nuk ka nevojë të qëndrojë në objektet e komunave. Ka kampet e veta, bazat e veta, ka pikat e veta të kontrollit ku i vlerëson. Nuk është e logjikshme në demokraci të qëndrojë njësia specialë në objekte të komunave. I pyetur për “ankesat e Kurtit” për qëndrimin e ndërkombëtarëve, Haradinaj ka deklaruar se Kryeministri Kurti nuk ka pse të merret me Sekretarin e Shtetit, Blinken. Së pari, Kurti gabon që merret me Borrellin e me Lajçakun. Ata janë pjesë e një procesi më të madh por ju e dini se kush është përgjegjës për një proces të tillë, kaq serioz në Ballkan. Është Amerika. Ai s’ka nevojë fare të merret me ta, ata e kryejnë pjesën e vet ka deklaruar mes tjerash Ramush Haradinaj.
