Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me rastin e festës së shenjtë të Kurban Bajramit, kryetari i Aleancës për Ardhmërinë e Kosovës Ramush Haradinaj, ka përcjellë urimet më të përzemërta për gjithë besimtarët myslimanë, duke theksuar rëndësinë e solidaritetit, harmonisë dhe bashkëjetesës ndërfetare si vlera të rrënjosura në shoqërinë shqiptare. “Te shqiptarët gjithmonë ka mbizotëruar ndjenja e solidaritetit dhe harmonisë me njëri-tjetrin, dhe gjithmonë i kemi festuar bashkë festat fetare,” shkroi Haradinaj në urimin e tij përmes rrjeteve sociale. Ai shprehu mirënjohje të veçantë për Bashkësinë Islame të Kosovës, duke përfshirë Myftiun Naim Tërnava, si dhe për të gjithë shqiptarët myslimanë kudo që ndodhen. “Uroj që gëzimi dhe begatia të mbizotërojnë në familjen e gjithsecilit,” përfundon Haradinaj. Në këtë ditë të rëndësishme për besimtarët myslimanë, liderët politikë në vend po bashkohen në urimet e tyre, duke theksuar unitetin kombëtar dhe vlerat e përbashkëta që i kanë mbajtur shqiptarët të bashkuar në momente të vështira dhe të gëzuara.
