Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Të dhënat zyrtare të Policisë së Kosovës tregojnë një rritje të dukshme të hyrjeve në Republikën e Kosovës gjatë periudhës 15–21 dhjetor 2025, kryesisht si pasojë e ardhjes së diasporës për festat e fundvitit dhe zgjedhjet nacionale të 28 dhjetorit. Brenda vetëm një jave janë regjistruar gjithsej 374 mijë e 864 hyrje përmes pikëkalimeve kufitare tokësore dhe ajrore. Fluksi më i lartë është shënuar gjatë vikendit, konkretisht të premten, të shtunën dhe të dielën, kur në Kosovë kanë hyrë 213 mijë e 751 qytetarë, duke dëshmuar për një intensitet të shtuar të qarkullimit në ditët e fundit të javës. Të dhënat tregojnë një rritje progresive ditore, nga 74 mijë e 560 hyrje më 15 dhe 16 dhjetor, në mbi 46 mijë hyrje vetëm më 18 dhjetor. Rritja e ndjeshme e qarkullimit kufitar ka reflektuar edhe në terren, me pritje disa orëshe dhe kolona të gjata në pikat kufitare, siç është raportuar nga Qendra Kombëtare për Menaxhim Kufitar. Kjo situatë dëshmon ndikimin e drejtpërdrejtë të diasporës në dinamiken sezonale të lëvizjeve, por njëkohësisht nxjerr në pah nevojën për menaxhim më efikas të fluksit në periudha të ngarkuara. Në aspekt më të gjerë, këto shifra konfirmojnë rolin kyç të diasporës jo vetëm në dimensionin social dhe ekonomik, por edhe në proceset politike dhe demokratike të vendit, duke e bërë fundvitin një periudhë me ndikim të shumëfishtë për Kosovën.
