leoni

Rruget ne komunen e Skenderajt jane te kalueshme

22/01/2018 Institucionet

Komuna e Skenderajt e udhëhequr nga kryetari Bekim Jashari, ka ndërmarrë të gjitha veprimet e nevojshme për menaxhimin e situatës së krijuar në rrugët e komunës së Skenderajt pas reshjeve të dëborës. Kjo situatë është menaxhuar nga drejtori i shërbimeve publike zotri Ibush Hetemi, i cili kishte angazhuar dy ekipe të inspektorëve komunal të drejtuar nga shefi i inspektoriatit zotri Valon Haliti, që inspektoi punën e kompanisë për mirëmbajtjen e rrugëve. Edhe pse të hendikepuar nga neglizhenca disa mujore e organeve gjegjëse (prokurimi) në udhëheqjen e kaluar, për përzgjedhje edhe të një kompanie për lloton e dytë për pastrimin e rrugëve në komunën e Skenderajt, ne kemi ndërmarrë veprimet e duhura konform nevojës dhe situatës. Në bashkëpunim me kompaninë e kontraktuar, kemi rritë kapacitetet dhe në kohë reale kemi reaguar në të gjitha segmentet rrugore në komunën tonë. Janë trajtuar të gjitha fshatrat e komunës së Skenderajt, duke përfshirë edhe qytetin me të gjitha lagjet si dhe sheshin “ADEM JASHARI”. Kjo punë është bërë 24 orë pa ndërprerë nga ekipet e Komunës dhe stafi i kompanisë së kontraktuar. Vlen të theksohet se prioritet i pastrimit të rrugëve nga bora kanë qenë rrugët që shpien tek shtëpitë e qytetarëve tanë me dializë. Përmes kësaj shkrese, informojmë qytetarët e Skenderajt se rrugët janë të gjitha të pastruara, kemi punuar gjatë gjithë natës. Gjithashtu për të inspektuar punimet, në mbrëmje rreth orës 23:30, kanë dalë në teren, kryetari Bekim Jashari, i shoqëruar nga nënkryetari, Nuredin Lushtaku, dhe bashkëpunëtorë.

Kontrolloni gjithashtu

Qendra për Arte, Kulturë dhe Inovacion “Abdullah Bugari”, drejt finalizimit

Qendra për Arte, Kulturë dhe Inovacion “Abdullah Bugari” është drejt finalizimit si projekt i bashkëfinancuar …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara