Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komandant Sadik Halitjaha ka theksuar se udhëheqësit e UÇK-së po përballen me akuza të padrejta politike në Gjykatën Speciale në Hagë, duke vënë në dyshim sakrificat dhe kontributin historik të luftëtarëve të çlirimtarëve. Prokuroria e Gjykatës Speciale në Hagë po përdor të gjithë arsenalin kundër udhëheqësve të UÇK-së, duke e paraqitur luftën çlirimtare si konflikt dhe duke i ngarkuar ata me akuza për “Ndërmarrje të Përbashkët Kriminale”. Juristët dhe mbrojtja e konsiderojnë aktakuzën të bazuar në konstruktime, shpifje dhe akuza retroaktive, pasi shumë veprime janë kryer gjatë okupimit, kur nuk ekzistonin ligje shtetërore. Ata kërkojnë që Gjykata të ndryshojë terminologjinë, duke e riemëruar akuzën në “Ndërmarrje të Përbashkët Çlirimtare”, dhe të hetojë gabimet apo fajet individuale, jo të gjithë lëvizjen çlirimtare. UÇK-ja, pavarësisht kundërshtarëve të shumtë dhe presionit ndërkombëtar, arriti ta çlironte Kosovën dhe ta bëjë shtet sovran dhe të pavarur. Aktivistët dhe qytetarët paralajmërojnë protesta për të mbrojtur të drejtën dhe dinjitetin e çlirimtarëve, duke kërkuar drejtësi dhe respekt për sakrificat e luftëtarëve.
