Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Drejtori ekzekutiv i Asociacionit të Komunave të Kosovës, Sazan Ibrahimi, ka ngritur alarmin për një krizë të mundshme financiare në komunat e vendit, si pasojë e moszbatimit të vendimit të Gjykatës Kushtetuese nga legjislatura e kaluar. Sipas Ibrahimit, Kuvendi ka dështuar të përmbushë obligimin për ndryshimin e nenit 6, paragrafi 6 të Ligjit për Pagat, të shpallur jokushtetues. Për shkak të kësaj papërgjegjshmërie, disa komuna tashmë janë përballur me vendime gjyqësore që i obligojnë për kompensime financiare ndaj nëpunësve civilë.
Ibrahimi paralajmëron se ky dëm i shkaktuar është vetëm një pjesë e barrës, pasi komunat janë gjithashtu të ngarkuara me koston e lartë të zbatimit të kontratës kolektive, e cila tejkalon 140 milionë euro. Ai thekson se kjo situatë po rrezikon seriozisht stabilitetin financiar dhe aftësinë e komunave për të ofruar shërbime dhe për të realizuar projekte zhvillimore.
AKK kërkon veprim urgjent dhe qasje të koordinuar institucionale për të shmangur kolapsin buxhetor në pushtetin lokal.
