Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjatë javës së kaluar, autoritetet zvicerane arrestuan dy ish-luftëtarë të Ushtrisë Çlirimtare të Kosovës, me fletë-arreste të Beogradit. Ish-luftëtarët, Genc Zogaj dhe Albert Spahiu mbahen nën arrest në pritje të ekstradimit në Serbi. Ushtruesi i detyrës së ministrit të Jashtëm të Kosovës, Petrit Selimi ka thënë se kjo çështje është politike dhe joligjore. Ai ka bërë të ditur se Ministria e Punëve të Jashtme është në kontakt me autoritetet e Zvicrës për të ndërmjetësuar lirimin e ish-luftëtarëve të UÇK-së. “Ministria e Punëve të Jashtme konsideron se veprimet e tilla të Serbisë janë të papranueshme dhe si të tilla duhet të adresohen në Bruksel gjatë dialogut për normalizim. Serbia nuk ka as të drejtë ligjore e aq më pak morale të lëshoj fletarrestime për qytetarët e Kosovës”, ka deklaruar Petrit Selimi.
