Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Serbët, jo vetëm në veri të Kosovës por përgjithësisht, refuzojnë t’i përgjigjen regjistrimit të popullsisë të organizuar nga institucionet e Kosovës, të cilat nuk i njohin edhe pse janë pjesë e Qeverisë dhe e të gjitha institucioneve. Me qëllim të tejkalimit të kësaj situate kryetari i Komisionit për Administratë Publike, Zenun Pajaziti, thotë se ky regjistrimi i tyre duhet të bëhet sa më shpejt, me një ligj të veçantë. Mirëpo demografët e vendit thonë se një regjistrim të veçantë vetëm për serbët e komunave veriore mund të shkaktojë krizë dhe një praktikë e tillë, ku kryhen regjistrime për etnitete të caktuara, nuk njihet në ndonjë vend evropian. Kundër një ligji të veçantë, i cili parasheh regjistrimin e serbëve të veriut, është edhe deputetja e LDK-së, Melihate Tërmkolli. Përveç se është një rekomandim i BE-së, regjistrimi i serbëve në veri për qeverinë e Kosovës shihet si inkuadrim i serbëve në ato komuna ku jetojnë dhe janë shumicë.
