Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Serbia vazhdon të refuzoj që t’ia dorëzon Kosovës të dhënat nga arkivat për të rrëmbyerit gjatë luftës nga forcat serbe. Përfaqësuesi i Komisionit Qeveritar për të Pagjeturit, Kushtrim Gara ka thënë se duke mos ofruar këto dëshmi, Serbia po pengon përparimin e kërkimeve për gjetjen e mbetjeve të të rrëmbyerve gjatë luftës. “Përkundër sfidave të mëdha, e që mbi të gjitha edhe gjatë këtij viti puna dhe angazhimi ynë është sfiduar me mungesën e informacioneve të besueshme , që ndërlidhet, si rezultat edhe i një politizimi të skajshëm të këtij procesi nga institucionet e Serbisë, me mungesën e gatishmërisë së palës serbe, për të vë në dispozicion të dhënat nga arkivat e tyre, si dhe duke prolonguar e pamundësuar vazhdimin e vlerësimeve apo fillimin e gërmimeve në lokacionet tanimë të shënjuara brenda territorit të Serbisë” ka deklaruar përfaqësuesi i Komisionit Qeveritar për të Pagjeturit, Kushtrim Gara.
