Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Jashtëm i Rusisë, Sergei Lavrov thotë se Rusia do të bëjë gjithçka që të ndalojë pajisjen e Ukrainës me armë bërthamore. Gjatë fjalës së tij në Konferencën e Gjenevës ku mori pjesë virtualisht, Lavrov tha se është e papranueshme për Moskën që armët bërthamore amerikane të jenë të stacionuara në disa shtete të Europës. “Është e papranueshme për ne që armatimet bërthamore amerikane janë të pranishme në territorin e disa shteteve europiane. Ka ardhur koha tashmë që këto armë të kthehen në shtëpi dhe infrastruktura e tyre në Europë, të çmontohet plotësisht”, tha Lavrov. Pas ndarjes nga Bashkimi Sovjetik, armët bërthamore të Ukrainës u transportuan në Rusi. Deklarata e tij vjen në një kohë kur presidenti rus Vladimir Putin ka urdhëruar që armët bërthamore të vendit të jenë në “gatishmëri të plotë”.
