Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Drejtori i Qendrës Studentore në Prishtinë, Fatmir Sfishta thotë se kanë bërë përgatitjet për pritjen e studentëve në këtë qendër. Ai bën të ditur se Qendra tashmë është e gatshme për studentët, por se ende nuk ka filluar regjistrimi. Sfishta thekson se MASHT, Ministria e Shëndetësisë dhe IKSHPK duhet të japin dritën e “gjelbër”, se kur mund të hapin konkursin për pranimin e studentëve. Sfishta theksoi se përparësi për regjistrim kanë studentët e vitit të parë, por se ende nuk është mbajtur provimi i tyre për regjistrim në Universitetin e Prishtinës. Ai tutje tha se projektet të cilat ishin paraparë të realizoheshin janë duke u kryer, pasi siç tha ai, situata pandemike i ka vonuar ato. Drejtori i QS-së po ashtu tha se nga mënyra se si po rrjedhin gjërat nuk beson se studentët do të vijnë në fillim të muajit tetor.
