Shënohen ditët e shkollës në Pagarushë, Banjë dhe Tërpezë

23/05/2025 Institucionet

Shkollat fillore dhe të mesme të ulëta (SHFMU) “Vesel Pagarusha” në Pagarushë, “Naim Frashëri” në Banjë dhe “Hasan Prishtina” në Tërpezë, sot kanë shënuar ditët e tyre të shkollës, ku janë prezantuar të arriturat e këtyre shkollave dhe janë mbajtur programe kulturore e artistike.

Në këto aktivitete ka marrë pjesë edhe përgjegjësi i Drejtorisë për Arsim dhe Edukim në Komunën e Malishevës, Sabit Berisha, i cili i ka uruar shkollat dhe i ka përgëzuar për të arriturat, angazhimin dhe sukseset e treguara gjatë vitit shkollor 2024/2025. Ai tha se, ashtu si deri më tani, Drejtoria për Arsim dhe Edukim do të vazhdojë të mbështesë shkollat, përfshirë edhe aktivitetet jashtëshkollore me karakter edukativ dhe arsimor.

Gjatë këtyre ngjarjeve, drejtorët e shkollave përkatëse, Emine Krasniqi, drejtoreshë e SHFMU “Hasan Prishtina”; Burim Begaj, drejtor i SHFMU “Naim Frashëri”; dhe Astrit Krasniqi, drejtor i SHFMU “Vesel Pagarusha” , prezantuan historikun e shkollave dhe të arriturat gjatë këtij viti shkollor. Ata ndanë gjithashtu mirënjohje për mësimdhënësit dhe nxënësit më të dalluar, si dhe për kontribuuesit në aktivitetet dhe nevojat e ndryshme të shkollave.

Kontrolloni gjithashtu

Të premtën me 24 tetor në Deçan mbahet Festivali i Gështenjës

Komuna e Deçanit nën përkujdesjen e kryetarit, z. Bashkim Ramosaj ju fton të merrni pjesë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara