Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shoqata e Prokurorëve të Republikës së Kosovës ka reaguar ndaj deklaratave publike të deputetes së Kuvendit, Fitore Pacolli, drejtuar Kryeprokurorit të Prokurorisë Speciale, Blerim Isufaj. Në një komunikatë për media, Shoqata ka shprehur shqetësimin se deklaratat e tilla janë të pavërteta dhe të pabazuara, duke theksuar se ato dëmtojnë integritetin e sistemit prokurorial dhe cenojnë besimin e qytetarëve në drejtësi. “Shoqata nënvizon se çdo tentim për të vënë në shënjestër prokurorët përmes deklaratave politike është sulm ndaj pavarësisë së institucionit të Prokurorisë dhe, si i tillë, është i papranueshëm,” thuhet në reagim. Shoqata u ka bërë thirrje aktorëve politikë që të përmbahen nga sulmet verbale ndaj prokurorëve, duke respektuar pavarësinë e sistemit të drejtësisë në vend.
