Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i PSD-së, Shpend Ahmeti, ka mohuar mundësinë që partia e tij ta mbështesë dialogun më Serbinë, të udhëhequr nga kryetari Thaçi. Ai ka thënë se procesi është jo transparent dhe nuk ka informata rreth tij. Si i tillë, sipas tij ky proces nuk do ta ketë përkrahjen e PSD. Ahmeti ka thënë se, nëse gjithçka është e vendosur, opozita nuk ka pse të shkojë në Bruksel vetëm sa për fotografi dhe pastaj të shpërndahet faji për marrëveshjen përfundimtare.
“Na nuk kemi asnjë informatë se çka po ndodh. Në asnjë mënyrë nuk e kanë përkrahjen tonë në këtë proces jo transparent. Kemi kërkuar që çështja të diskutohet në Kuvend dhe të mandatohet dikush. S’po shoh interesim real për pjesëmarrjen e opozitës as nga presidenca. Diskutimet për rendin e Kosovës janë të papranueshme”, ka thënë Ahmeti. /EO/
