Shpresa Bajraktari: Lavdi të përjetshme datës historike të 10 Korrikut – krijimit të Ushtrisë Antifashiste Nacionalçlirimtare!

Në kulmin e Luftës Antifashiste Nacionalçlirimtare kundër hordhive nazi-fashiste dhe bashkëpunëtorëve të tyre, nën udhëheqjen e Partisë Komuniste me komandantin e lavdishëm Enver Hoxha (aleatë në frontin antifashist: SHBA, Anglia dhe Bashkimi Sovjetik), më 10 korrik 1943 u krijua Ushtria Nacionalçlirimtare dhe Shtabi i Përgjithshëm i saj, me në krye Enver Hoxhën.

Kjo ushtri u bë tmerr për armikun dhe shpresë për popullin, duke çuar pa diskutim në fitoren e Luftës Antifashiste Nacionalçlirimtare, për çlirimin e vendit nga nazi-fashistët dhe bashkëpunëtorët e tyre, drejt një Shqipërie të lirë dhe të pavarur.

Kjo përbën një datë të lavdishme, historike dhe heroike, për të cilën ndjehemi krenarë.

Në përbërje të kësaj ushtrie u përfshinë bijtë dhe bijat më të mira të popullit shqiptar, të cilët nuk kursyen as jetën për çlirimin e vendit.

Respekt dhe përulësi për gjithë plejadën e atyre bijve dhe bijave që shërbyen në Ushtrinë Antifashiste Nacionalçlirimtare dhe më vonë në shndërrimin e saj në Ushtrinë Popullore, për mbrojtjen e fitoreve të arritura!

Rroftë 10 Korriku!
Lavdi Luftës Heroike Antifashiste Nacionalçlirimtare!
Lavdi komandantit strateg, të lavdishmit Enver Hoxha!

Shpresa Bajraktari