Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shqipëria ka shënuar një tjetër moment kyç në rrugëtimin e saj drejt integrimit evropian. Më 23 korrik 2025, Komiteti i Përfaqësuesve të Përhershëm të vendeve anëtare të Bashkimit Evropian (COREPER) ka dhënë miratimin për të vijuar negociatat për Grupkapitullin 5, që përfshin Burimet, Bujqësinë dhe Politikat e Kohezionit – një ndër kapitujt më të rëndësishëm dhe kompleksë të procesit të anëtarësimit. Kryeministri Edi Rama, përmes një njoftimi zyrtar, bëri të ditur se Presidenca Daneze e BE-së është autorizuar të ftojë zyrtarisht Shqipërinë për të paraqitur Pozicionin e saj Negociues për këtë kapitull, duke e cilësuar këtë zhvillim si një hap vendimtar drejt përfundimit të fazës teknike të negociatave. Shqipëria ka përmbushur të gjitha kriteret për të kaluar në fazën përfundimtare të përmbylljes së kapitujve dhe përgatitjes për anëtarësim të plotë në BE”, deklaroi Rama. Grupkapitulli 5 përfshin fusha me rëndësi jetike për zhvillimin e qëndrueshëm të vendit, si bujqësia, zhvillimi rural, menaxhimi i burimeve natyrore dhe politikat e kohezionit territorial e rajonal – elementë thelbësorë për përafrimin me standardet evropiane dhe për përfitimin efikas të fondeve të BE-së. Me këtë hap, Shqipëria kalon zyrtarisht në fazën e dytë të negociatave – atë të përmbylljes së kapitujve të hapur – duke u afruar më shumë se kurrë me objektivin strategjik të anëtarësimit të plotë në Bashkimin Evropian.
