Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Seanca e sotme gjyqësore në Gjykatën Supreme të Shkupit për rastin e luftimeve të Kumanovës, është shtyrë sërish. Në seancë nuk u lejuan të hyjnë avokatët dhe të dyshuarit e këtij rasti. Siç bëjnë me dije mediet nga Shkupi, në sallë kanë qenë të pranishëm vetëm prokurorët. Gjykimi është shtyrë për datën 6 qershor. Përndryshe, sot Shkupi është zgjuar në një gjendje të nderë si pasojë e mobilizimit të njësive speciale të Policisë së Maqedonisë. Të paraburgosurit shqiptarë nga burgjet e Prilepit dhe Manastirit janë sjellë nën masa të rrepta të sigurisë, madje të shoqëruar edhe helikopterë. 29 të dyshuarve i janë shtuar edhe 8 persona të tjerë nga rrethina e Kumanovës, të cilët akuzohen se kanë dhënë mbështetje logjistike për grupin e Kumanovës.
