Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot, në një ceremoni solemne, në prani të familjarëve, bashkëpunëtorëve dhe qytetarëve, nderuam Prof. dr. Samedin Haxhijaha me dekoratën për humanizëm “Dr. Ali Sokoli”, një mjek dhe humanist i shquar, i cili tërë jetën ia kushtoi shërbimit ndaj popullit të tij.
Kjo dekoratë u jepet atyre që me përkushtimin e tyre kanë ndikuar në përmirësimin e jetës dhe të kushteve të punës për njerëzit në nevojë. Prof. dr. Haxhijaha ishte një nga ata “heronj të heshtur”, ndonëse shpesh të padukshëm, prania e të cilëve ndihet e përjetohet kudo. Ai dha kontribut të jashtëzakonshëm në mbrojtjen e shëndetit publik, duke hapur institucione dhe duke konsoliduar shërbime të veçanta shëndetësore në një kohë kur mund të kishte zgjedhur një jetë më të lehtë jashtë vendit.
Zgjedhja e tij për t’i shërbyer popullit të Kosovës, dashuria për profesionin dhe misioni human, bëjnë që emri i tij të mbetet i nderuar brez pas brezi.
Kjo dekoratë, që mban emrin e një prej doajenëve të shëndetësisë, Dr. Ali Sokoli, këtë vit iu nda këtij personaliteti të shquar post mortem, si një shenjë mirënjohjeje dhe respekti për jetën e tij të mbushur me shërbim, humanizëm dhe atdhedashuri.
Shembulli i Prof. dr. Samedin Haxhijaha mbetet frymëzim dhe motivim për të gjithë ata që e shohin mjekësinë dhe humanizmin jo vetëm si profesion, por si mision jetësor.
