Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Komunës së Rahovecit, Smajl Latifi, ka mirëpritur komandantin e ri të KFOR-it italian për Rajonin Perëndim, Kolonel Lorenzo Mangia.
Gjatë takimit, biseda u përqendrua tek çështjet e sigurisë, forcimi i bashkëpunimit ndërmjet institucioneve lokale dhe trupave të KFOR-it, si dhe mundësitë për mbështetje në projekte që ndikojnë drejtpërdrejt në jetën e qytetarëve.
Latifi e uroi kolonelin Mangia për marrjen e detyrës së re dhe shprehu mirënjohjen e tij për rolin dhe angazhimin e KFOR-it në ruajtjen e paqes dhe stabilitetit në Kosovë. Ai theksoi se prania dhe bashkëpunimi i trupave ndërkombëtare ka qenë dhe mbetet një faktor i rëndësishëm për sigurinë dhe zhvillimin e komunës.
Koloneli Mangia, nga ana e tij, u zotua se do të vazhdojë të mbështesë projektet dhe iniciativat që kontribuojnë në mirëqenien e komunitetit dhe në forcimin e sigurisë në rajon.
