Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Takimet mes kryeministrit në detyrë, Albin Kurti, dhe liderit të NISMA-s Socialdemokrate, Fatmir Limaj, kanë shkaktuar shumë pyetje lidhur me përmbajtjen e tyre dhe transparencën e raportimit për to. Pas takimit në një restorant në kryeqytet, të premten dhe të shtunën u spekulua për një takim të dytë mes dy liderëve, por asnjëra palë nuk i konfirmoi apo mohoi këto informacione. Ndonëse NISMA kishte paralajmëruar se do të ishte transparente për këto takime, asnjë informacion i detajuar nuk u publikua pas tyre. Sipas burimeve, bisedimet mes Kurtit dhe Limajt kanë përfshirë edhe çështje të ndarjes së pozitave në institucione, një temë që është konsideruar si çelësi për formimin e institucioneve të reja. Kjo ka lënë hapur mundësinë për interpretimin e marrëveshjeve të mundshme dhe ka ngritur shqetësime për procesin e transparencës në bisedimet politike.
