Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i vendit, Hashim Thaçi ka vlerësuar se vija e re e interkonjeksionit 400 kilovoltësh Shqipëri-Kosovë, i jep edhe më shumë fuqi marrëdhënieve vëllazërore. Përmes një postimi në Facebook, ai ka thënë se nga kombinimi i kapaciteteve të termocentraleve të Kosovës dhe hidrocentraleve të Shqipërisë, do të përfitojnë qytetarët dhe ekonomitë e të dy shteteve shqiptare. “Linja e re e interkoneksionit Kosovë-Shqipëri i jep edhe më shumë fuqi marrëdhënieve vëllazërore dhe ndriçon rrugën tonë të përbashkët, që përmes integrimit bilateral të tregut të energjisë të shkojmë drejt integrimit të përbashkët rajonal. Nga kombinimi i kapaciteteve prodhuese të termocentraleve tona dhe hidrocentraleve të Shqipërisë përfitojnë në mënyrë të drejtpërdrejtë qytetarët dhe ekonomitë e shteteve tona”, thuhet në shkrimin e kryetarit, Thaçi.
