U mbajt aktiviteti me temën “Fuqizimi ekonomik i grave dhe vajzave”

04/03/2026 Institucionet

Në Skenderaj, Zyra për Barazi Gjinore e kësaj komune udhëhequr nga znj. Qefsere Dautaj, ka mbajtur aktivitet me temën “Fuqizimi ekonomik i grave dhe vajzave”, me qëllim promovimin e mundësive të barabarta dhe rritjen e përfshirjes së grave në zhvillimin ekonomik.

Në panelin e diskutimit morën pjesë Drejtoresha për Zhvillim Ekonomik, Besarta Meha-Ademi, deputetja Ganimete Musliu, pjesëmarrëse nga shoqëria civile, Gentiana Zeqiri, të cilat ndanë pikëpamjet dhe përvojat e tyre lidhur me sfidat dhe mundësitë për fuqizimin ekonomik të grave dhe vajzave. Gjatë diskutimit u theksua rëndësia e mbështetjes institucionale, krijimit të politikave lehtësuese për ndërmarrëset gra, si dhe investimi në arsimim dhe aftësim profesional.

Në vijim, aktiviteti mori formën e një bashkëbisedimi të hapur me gratë pjesëmarrëse nga qyteti dhe fshatrat e ndryshme të komunës, të cilat ndanë përvojat, sfidat dhe idetë e tyre konkrete.

Aktiviteti u përmbyll me rekomandime të përbashkëta dhe angazhim për hapa të mëtejmë në mbështetje të grave dhe vajzave në tregun e punës.

Kontrolloni gjithashtu

Komuna e Malishevës, organizohen aktivitete për nder të EPOPESË së UÇK-së

Njoftohen të gjithë qytetarët e komunës së Malishevës, se për nder të EPOPESË së UÇK-së, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2026, Të gjitha të drejtat e rezervuara