Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Njohësi i çështjeve politike, Milazim Krasniqi, ka vlerësuar se Kosova nuk duhet të shkojë në zgjedhje të reja në këtë periudhë të tensionuar ndërkombëtare, duke theksuar se zhvillimet globale paraqesin rrezik shtesë për sigurinë e vendit. Përmes një postimi në Facebook, ai ka theksuar se bota po përballet me një situatë të rënduar, me disa shtete të përfshira në konflikt në Lindjen e Mesme, ndërsa pasojat tashmë po ndihen përmes rritjes së çmimeve të naftës, bllokimeve në aeroporte dhe formave të luftës hibride. Sipas Krasniqit, nëse nuk arrihet një marrëveshje për zgjedhjen e presidentit, vendi mund të përballet me rritje të rrezikut për sigurinë, duke paralajmëruar se “armiku mezi pret të provokojë trazira e dhunë”.
