U mbajt Dëgjim publik për Buxhetin Komunal për vitin 2026 me OJQ-të dhe Grupin e Grave

08/07/2025 Institucionet

Komuna e Malishevës ka mbajtur dëgjimin publik, të 23-të me radhë, me organizatat joqeveritare dhe Grupin e Grave në kuadër të procesit të hartimit të buxhetit komunal për vitin 2026.

Ky takim u zhvillua me qëllim të përfshirjes së drejtpërdrejtë të grupit të grave dhe shoqërisë civile në planifikimin buxhetor, përkatësisht buxhetimin gjinor dhe identifikimin e prioriteteve për zhvillim të qëndrueshëm.

 Gjatë diskutimit, përfaqësuesit e OJQ-ve dhe Grupit të Grave paraqitën kërkesat dhe propozimet e tyre për investime në fusha të ndryshme si: fuqizimi ekonomik i grave, mbështetja për gratë fermere, shërbimet sociale, arsimi, përfshirja e të rinjve dhe infrastruktura lokale.

Drejtori për Ekonomi, Financa dhe Buxhet, Blerim Thaçi si dhe Zyrtarja Kryesore  për Financa, Valentinë Krasniqi  falënderuan të pranishmit për pjesëmarrjen aktive dhe theksuan se propozimet e dhëna do të shqyrtohen seriozisht dhe, sipas mundësive buxhetore, do të përfshihen në draftin përfundimtar të buxhetit për vitin 2026.

 Ky dëgjim është pjesë e angazhimit të Komunës për transparencë, llogaridhënie dhe përfshirje të gjerë të qytetarëve në vendimmarrje.

Kontrolloni gjithashtu

Kryetari Latifi ka përuruar parkun në Nagac

Kryetari i komunës së Rahovecit, z. Smajl Latifi përmes postimit të tij në facebook ka …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara