U përkujtuan dëshmorët e kombit Bafti Haxhiu e Sali Zenuni

Në 23 vjetorin e rënies së dëshmorëve të kombit Bafti Haxhiu dhe Sali Zenuni, në varrezat e dëshmorëve në Viti, janë bërë homazhe dhe janë vendosur kurore lulesh në varret e këtyre dy dëshmorëve. Pos Institucioneve komunale, në homazhe morën pjesë edhe përfaqësuesit e Policisë, të organizatave të dala nga lufta e UÇK-së, familjet e dëshmorëve, bashkëluftëtarë të dëshmorëve e familjarë të tyre por edhe personeli arsimor dhe nxënësit të shkollës “Bafti Haxhiu” në Viti e Ramnishtë. Ndërkohë është organizuar një manifestim në Shtëpinë e Kulturës “Gursel e Bajram Sylejmani” në Viti, për shënimin e ditës së Shkollës “Bafti Haxhiu”, ku një fjalë rasti e mbajti zëvendëskryetari i komunës së Vitisë Hasan Aliu, i cili ndër të tjerash tha se duhet respektuar institucionet dhe nderuar dëshmorët. Për historikun e shkollës Bafti Haxhiu foli drejtori Afrim Rrustemi, i cili përmendi të arriturat dhe rezultatet e kësaj shkolle. Në shënimin e ditës së shkollës, u lexua edhe biografia e dëshmorit Bafti Haxhiu, kurse në emër të Shoqatave të dala nga lufta foli Avdyl Bajrami. Me këtë rast, u dha edhe një program i pasur artistik, nga nxënësit e shkollës. Përndryshe, dëshmorët Bafti Haxhiu e Sali Zenuni, kanë rënë heroikisht me 26 maj të vitit 1999 si pjesëtarë të Ushtrisë Çlirimtare të Kosovës në malet e Gorozhupit të Hasit.

May be an image of 11 people, people standing and outdoors

Kontrolloni gjithashtu

KPF në Junik mbajti takimin e radhës

Komiteti për Politikë e Financa (KPF) i Kuvendit Komunal të Junikut i kryesuar nga Shpejtim …