U subvencionuan me farë misri e plehra artificial 128 fermerë mitrovicas

01/04/2016 Institucionet

Komuna e Mitrovicës, përmes Drejtorisë për Bujqësi dhe Zhvillim Rural, ka subvencionuar me farë misri dhe plehra artificial 128 fermerë të komunës.

Kontratat me fermerët përfitues i kanë nënshkruar kryetari i komunës së Mitrovicës, Agim Bahtiri dhe drejtori i Drejtorisë për Bujqësi dhe Zhvillim Rural, Nasuf Aliu, në një takim të organizuar në hapësirat e Kuvendit të Komunës.

Me këtë rast kryetari  Bahtiri, i garantoj fermerët se do të jetë në shërbim të atyre që punojnë. “Më vjen mirë që jam në mesin tuaj, në mesin e njerëzve më fisnik që me punën dhe djersën e tyre krijojnë të ardhura për familjet e veta. Ju garantoj se ai që e donë punën, ne do t’i japim hapësirën e duhur dhe do ta mbështesim në zhvillimin e biznesit të tij”, tha Bahtiri.

Ai më pas i njoftoj ata edhe për disa projekte që janë në plan të realizohen në të ardhmen në këtë fushë, duke shtuar se do të angazhohet që të tërheq edhe donacione nga të tjerët për zhvillimin e bujqësisë në Komunë.

Drejtori i bujqësisë, Nasuf Aliu, tha se qëllimi i projektit për dhënien e farës së misrit  është që duke ndihmuar fermerët, të bëhen hapa pozitiv në zhvillimin e bujqësisë.

Aliu tha se puna e përfituesve të farës së misrit  do të monitorohet nga kjo drejtori, në mënyrë që ai që ka përfituar të ndihet edhe përgjegjës për punën që bënë në shfrytëzimin e subvencionimi.

Po ashtu fermerët prezent plotësuan edhe  një formular të cilin kjo drejtori  e kishte përgatitur për ta,  ku qëllimi  kryesor i këtij pyetësori ishte diagnostifikimi i gjendjes aktuale të bizneseve  dhe ekonomive familjare, identifikimi i problemeve, pengesave dhe barrierave që i ngulfasin  ata në zhvillimin e aktiviteteve të tyre. Po ashtu, nëpërmjet këtij pyetësori do të bëhet identifikimi  edhe i  nevojave dhe kërkesave të komuniteteve për përmirësimin e gjendjes  në aspektin strategjik.

Në projekt kësaj radhe janë përfshi 128 fermerë. Prej këtyre, 122 fermerë kanë përfitua farë misri dhe pleh artificial për të mbjellë 50 ari tokë, ndërsa gjashtë për nj hektarë tokë. Në total, këta fermerë do të mbjellin 60 hektarë sipërfaqe të re me misër. Projekti ka kushtuar rreth 10.000 euro.

Kontrolloni gjithashtu

Kryetari Latifi, priti në takim grupin koordinues për infrastrukturë sportive

Kryetari i  komunës së Rahovecit z. Smajl Latifi, priti në takim grupin koordinues për infrastrukturën …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara