Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Lëvizjes për Bashkim, Valon Murati, ka deklaruar se Kuvendi i Kosovës po kalon një krizë të rëndë institucionale, ndërsa ka paralajmëruar se po ndodh normalizimi i bllokadës politike. Murati tha se vendi ka ngecur që në hapin e parë, në konstituimin e Kuvendit, dhe se mungesa e konsensusit po zvarrit procesin në mënyrë të panevojshme, duke futur edhe Gjykatën Kushtetuese në çështje që janë kryekëput politike. Ai theksoi se vendit i duhen institucione funksionale, sidomos përballë sfidave të reja ndërkombëtare. Murati u bëri thirrje të gjitha partive, përfshirë opozitën, që të kontribuojnë në tejkalimin e këtij ngërçi, duke theksuar se përgjegjësinë më të madhe e kanë ata që kanë marrë më së shumti vota nga qytetarët. Situata në Kuvend mbetet pa një zgjidhje, ndërsa pasiguria për formimin e institucioneve po rritet.
