Vazhdon realizimi i disa projekteve në Komunën e Malishevës      

18/07/2016 Institucionet

Komuna e Malishevës, është duke vazhduar me realizimin e disa projekteve, në tërë territorin e saj. Kështu u tha gjatë raportimit të drejtorit të drejtorisë së urbanizimit Ahmet Morina, në mbledhjen e rregullt të Këshillit të Drejtorëve. Aktualisht, në Komunën e Malishevës, janë duke u ndërtuar shkolla, rrugë, kanalizime dhe shumë projekte tjera, që janë në shërbim të qytetarëve.

Sipas drejtorit të Drejtorisë së Urbanizimit, Ahmet Morina, aktualisht po shtrohen me kubëza dy rrugë, një në Malishevë dhe një në fshatin Gurishtë. Rruga në fshatin Gurishtë, e lidhë shkollën e fshatit me rrugën kryesore. Po ashtu në Gurishtë, është ndërtuar edhe një pjesë e kanalizimit. Po ashtu po vazhdohet me punimin e nënkalimit në Dragobil, si dhe ka filluar riparimi i kanalizimeve që kanë probleme. “Këto ditë, pritet të filloj ndërtimi i rrugëve edhe në fshatin Bardh, si dhe vendosja e tabelave me emrat e rrugëve në tërë territorin e Komunës së Malishevës”, tha drejtori Morina.

Disa nga këto projekte që janë duke u realizuar,  gjatë këtij vikendi i ka vizituar edhe kryetari i Komunës së Malishevës, Ragip Begaj. Qëllimi i këtyre vizitave në Malishevë dhe Gurishtë, ka qenë ecuria e implementimit të këtyre projekteve, si dhe bisedat me banorët vendës, të cilët i ka uruar për këto projekte.

“Uroj që këto projekte, të  realizohen sa më shpejt që është e mundur dhe të jenë në shërbim të qytetarëve, pasi edhe qëllim i yni është rritja e mirëqenies së qytetarëve, përmes investimeve konkrete që ndikojnë në cilësinë e jetës së qytetarëve të Komunës së Malishevës”, tha kryetari Begaj.

Drejtori Morina, ka bërë të ditur se projekte në realizim e sipër dhe projekte që do të fillojnë gjatë kësaj jave, ose javës tjetër, janë të shumta dhe kanë të bëjnë kryesisht me infrastrukturën në përgjithësi.

Kontrolloni gjithashtu

Rahoveci vlerësohet nga projekti DEMOS

Komuna e Rahovecit është nderuar me mirënjohje nga Helvetas Kosova, përmes projektit DEMOS, si shenjë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara