Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Kuvendit të Kosovës, Kadri Veseli, në takimin ndërkombëtar të lidershipit në Prishtinë, ka deklaruar se Kosova është e përkushtuar që tu tregojë shteteve fqinje rrugën drejt stabilitetit dhe paqes së qëndrueshme . Në këtë takim kanë prezantuar 250 përfaqësues të shteteve të ndryshme të botës.“Ne jemi këtu që tu tregojmë edhe fqinjëve rrugën drejt stabilitetit dhe paqes së qëndrueshme. Kosova është e përkushtuar në këtë drejtim. Me ndihmën e miqve, sikurse ju, ne mund të bëhemi ambasadorë të pajtimit dhe të tregojmë se të jetohet në paqe është natyrë njerëzore”, ka thënë Veseli. Ai ka theksuar se takimet e tilla, ku marrin pjesë përfaqësues të vendeve të shumta të botës, janë një shembull i mirë për të shpërfaqur lidhjet ndër njerëzore dhe besimin ndaj njëri-tjetrit. Për të arritur deri te demokracia, nuk ka qenë një rrugë e lehtë për Kosovën. Ballkani ka qenë një vatër lufte për një kohë të gjatë dhe në histori shpesh jemi përballur me rrezikun e zhdukjes”, ka vlerësuar krye parlamentari Veseli.
