Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas njoftimit jo zyrtar për kallëzim penal nga ana e Agjencisë Kundër Korrupsionit për deklarim të rrejshëm të pasurisë, nënkryetarja e PDK-së, Vlora Çitaku, ka kërkuar shkarkimin e ambasadorit të Kosovës në Kroaci, Martin Berishaj. Ajo ka kërkuar përgjigje në pyetjet e tjera, sikundër janë pajisja e Berishajt me shtetësi brenda ditës, si dhe kalimin e tij në filtrat e AKI-së. “Kallëzimi penal i Agjencisë Kundër Korrupsionit ndaj Martin Berishajt është i mirëpritur. Megjithatë, ky kallëzim trajton vetëm deklarimin e rrejshëm të pasurisë. Ne ende nuk kemi përgjigje në disa pyetje fundamentale: Ku janë dhënë 600 000 euro, si është pajisur Berishaj me shtetësi brenda ditës , si i ka kaluar Berishaj filtrat e verifikimit nga AKI? Shkarkimi i vonuar tashmë do të duhej të ishte vetëm hapi i parë”, shkruan Çitaku. Ndërkohë AKK-ja ka bërë të ditur se ende nuk ka publikim zyrtar për shkak të dosjes së hetimeve.
