Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Gjykatën Themelore në Prishtinë është mbajtur seanca fillestare ndaj të akuzuarës Nadica Cvetkoviq, e cila ngarkohet për krime lufte gjatë periudhës së luftës, në cilësinë e gardianes në Burgun e Prishtinës dhe në burgun paralel në Lipjan. Ajo është deklaruar e pafajshme për akuzat që i vihen në barrë. Pas përfundimit të seancës, para mediave ka folur ish e burgosura politike Zahrije Podrimqaku, e cila mes emocionesh të forta ka rrëfyer për përjetimet e saj gjatë kohës së ndalimit, duke akuzuar gardianen për dhunë fizike e psikologjike, kërcënime dhe poshtërime të vazhdueshme. Sipas dëshmisë së saj, në burgun e Lipjanit ishte përballur me rrahje dhe presione të rënda. Ajo përshkroi një moment që e cilësoi ndër më të rëndët, kur – sipas saj – ishte detyruar të përballej me provokime dhe kërcënime me armë. “Ma ka sha nanën. E ka qitë foton e Hashim Thaçit në tokë dhe nuk e kam shkelë. Në fund i kam thënë nxirre revolen edhe vramë. Më tha: ky është vendi ku i kemi gri shqiptarët dhe edhe ti nëpër këtë makinë ke me kalu,” rrëfeu Podrimqaku.
