Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ideatorët dhe protagonistët e zjarrëvënies së Shqipërisë në vitin 1997 sërish po provojnë ta marrin pushtetin me dhunë, tani jo me kallashë e mitralozë, sikur bënë asokohe, por duke djegur institucionet e Shqipërisë dhe duke brohoritur me cinizëm, “E duam Shqipërnë si Evropa”. Qysh në fillim të protestës së djeshme një zyrtar i lartë i PD-së tha se kjo protestë vendimtare është ideologjike dhe ka për qëllim ta rrëzojë Partinë e Punës e cila tani ndodhet në partinë Socialiste.
Pas demit të madh që shkaktuan me flakë dhe policë të plagosur, protestuesit nuk u mjaftuan dhe të njëjtën gjë po bënë edhe tek Kuvendi. Turma e protestuesve kishte rrethuar parlamentin dhe protestuesit hidhnin vazhdimisht mjete piroteknike drejt godinës dhe policisë. I gjithë oborri i parlamentit duket në flakë dhe i mbuluar nga tymi. Policia ka hedhur gaz lotsjellës por në sasi më të pakët. Mes protestuesve si zakonisht ishin edhe kreu i PD-së Lulzim Basha, ish-kryeministri Sali Berisha dhe kryetarja e LSI Monika Kryemadhi.
Disa media ndërkombëtare kanë transmetuar drejtpërdrejtë protestën e opozitës në bulevardin ‘Dëshmorët e Kombit’.
Drejtpërdrejtë nga Tirana është lidhur, edhe televizioni rus shtetëror, Rusia Today’.
Gjithashtu protesta është transmetuar edhe nga seksioni shqip i “Zëri i Amerikës” përmes rrjetit social. Edhe agjenci lajmesh, si ajo italiane i kanë dhënë hapësirë trazirave, në Tiranë.
