Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zyrtarët federalë amerikanë kanë nisur hetim ndaj ish-prokurorit special Jack Smith. Lajmi është konfirmuar edhe për BBC. Xhek Smith ka qenë në krye të Gjykatës Speciale të Hagës ku po gjykohen padrejtësisht drejtuesit e Ushtrisë Çlirimtare të Kosovës. Hetimi i tashëm ndaj tij po bëhet për ndërhyrje në zgjedhjet presidenciale të Shteteve të Bashkuara të Amerikës në vitin 2020. Smith u emërua si Prokuror special në vitin 2022 për të hetuar keqpërdorimin e dyshuar të dokumenteve të klasifikuara nga Trump dhe përpjekjen e tij të dyshuar për të ndërhyrë në zgjedhjet e vitit 2020. Smith ishte caktuar nga ish-Prokurori i Përgjithshëm Merrick Garland në nëntor 2022 për të mbikëqyrur hetimet federale ndaj Trump. Të dyja rastet që ai hetoi çuan në ngritjen e akuzave penale kundër presidentit, i cili u deklarua i pafajshëm dhe kërkoi t’i cilësonte ndjekjet penale si të motivuara politikisht. Çështjet u mbyllën më vonë pas fitores së Trump në zgjedhjet presidenciale në nëntor 2024, pasi rregulloret e Departamentit të Drejtësisë ndalojnë ndjekjen penale të një presidenti në detyrë. Tani, Xhek Smith është duke u hetuar por ende nuk janë dhënë detaje specifike.
