Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasada amerikane, në Shqipëri, ka zbardhur detajet e takimit mes zëvendës ndihmës sekretarit të Shtetit, Alexander Kasanof, dhe kryeministrit Edi Rama. Në këtë takim, theksi u vendos mbi forcimin e partneritetit SHBA-Shqipëri dhe mbështetjen për çështje kyçe shumëpalëshe. Të dy zyrtarët shqyrtuan përparimin e Shqipërisë drejt integrimit në Bashkimin Europian, duke theksuar rëndësinë e transparencës në zbatimin e reformës në drejtësi dhe intensifikimin e luftës kundër korrupsionit. Kasanof mori pjesë edhe në ceremoninë e pesëvjetorit të SPAK-ut, ku e cilësoi këtë institucion si më të besueshmin publik në Shqipëri. Zyrtari i DASH gjithashtu theksoi nevojën që prokurorët aktualë të SPAK-ut të kenë mundësinë për të aplikuar për një mandat të ri pas përfundimit të atij aktual, duke paralajmëruar se dështimi për të siguruar vazhdimësinë rrezikon humbjen e profesionistëve me përvojë dhe dobësimin e luftës kundër korrupsionit.
