Brickos

ZJARRFIKËSIT, POLICIA DHE SHËNDETËSIA DEMONSTROJNË SHKATHTËSITË E TYRE NË RAST TËRMETI

05/12/2017 Institucionet

Zjarrfikësit, policia dhe ekipi shëndetësor i QKMF-së “ Nënë Tereza” në Klinë, kanë demonstruar shkathtësitë e tyre në rast të ndonjë tërmeti eventual. Bëhet fjalë për një aksion të improvizuar, ushtrim fushor, “tërmet” në Çerdhen e Fëmijëve “Xhevë Lladrovci” në Klinë, skenarin e të cilit e kishte bërë dega e Kryqit të Kuq në Klinë. Pas njoftimit për tërmet, të parët në vendin e ngjarjes arrijnë Policia e Kosovës, të cilët njoftojnë njësinë për zjarr dhe shpëtim, QKMF-në dhe Kryqin e Kuq. Fillimisht reagojnë njësitë e zjarrfikëseve në shuarjen e zjarrit që kishte shpërthyer, kurse më pas futen brenda në objekt për të evakuuar fëmijët dhe personelin tjetër. Atyre u jepet ndihma e parë në vend të ngjarjes dhe më pas dërgohen në QKMF. Ekipi psiko-social i Kryqit të Kuq të Kosovës trajton nxënësit dhe fëmijët e evakuuar. Në këtë “tërmet” janë lënduar 5 fëmijë dhe 2 punëtorë. I gjithë ushtrimi ka kaluar sipas planit të paraparë dhe gjithë akterët e angazhuar në këtë ushtrim kanë kryer detyrat e veta sipas planit të paraparë. Zyrtarët e Kryqit të Kuq në Klinë, kanë treguar se një ushtrim i tillë është organizuar në rast të ndonjë tërmeti eventual që ekipet për shpëtim, siguri dhe ofrimin e ndihmës së parë të jenë sa më të përgatitur për përballimin e situatave të tilla.

Kontrolloni gjithashtu

Kryetari Haliti i nderon me mirënjohje të pensionuarit Agush Hasani dhe Samet Zuka

Kryetari i komunës së Vitisë, Sokol Haliti, së bashku me drejtoreshën e Arsimit në Viti, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara