Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mëngjesin e 27 majit 2025, organizatat e shoqërisë civile në Kosovë zhvilluan një performancë simbolike para ndërtesës së Kuvendit, për të shprehur pakënaqësinë ndaj bllokadës së zgjatur në procesin e konstituimit të këtij institucioni. Performanca u organizua në prag të përpjekjes së 22-të për ta konstituuar Kuvendin, që sërish dështoi. Para hyrjes kryesore u vendosën ulëse që imitonin sallën plenare, mbi të cilat ishin vendosur pankarta me mesazhe kritikë ndaj klasës politike. Mesazhet më të spikatura përfshinin: “120 rroga, 0 përgjegjësi”, “Deri kur?”, “Cirku i demokracisë”, “Ky nuk është serial – është shteti ynë” dhe “Për çka ju kemi zgjedhur?”. Organizatorët theksuan se bllokada po minon besimin e qytetarëve në demokracinë përfaqësuese dhe kërkuan përgjegjësi të drejtpërdrejtë nga deputetët që po pengojnë funksionimin e institucioneve.
