LVV-Gjyq

13 aktivistë dhe drejtues të Lëvizjes Vetëvendosje, do të dalin sot para Gjykatës

13 aktivistë dhe drejtues të Lëvizjes Vetëvendosje, do të dalin sot para Gjykatës. Ata akuzohen  për rrokullisjen e veturave të EULEX-it në vitin 2009. Seanca gjyqësore, ndaj Shefit të Grupit Parlamentar, Glauk Konjufca, dhe aktivistë e tjerë të Lëvizjes Vetëvendosje, u mbajt me 25 shkurt, por në mungesë të dëshmitarëve ajo u shty për 16 mars. 13 aktivistët të akuzuar, e në mesin e tyre edhe Glauk Konjufca, akuzoheshin me dy vepra penale: pjesëmarrje në grup për kryerje të veprës penale, si dhe dëmtim të pasurisë së paluajtshme, e cila ka të bëjë me dëmtimin e disa veturave të EULEX-it në vitin 2009. Mirëpo, sipas gjyqtarit Vesel Ismaili, tashmë të akuzuarit mbetën të ngarkuar vetëm me aktakuzën e parë.

Seanca e kaluar e këtij rasti, kaloi me një diskutim mjaft të ashpër mes sekretarit të Lëvizjes vetëvendosje, Dardan Molliqaj, dhe gjyqtarit Vesel Ismaili. Derisa aktivistët, arrestimet që iu bënë i quanin politike, edhe vet gjyqtari i rastit ka thënë se ndjehet “i irrituar me aksionin e ndërmarrë për arrestime, një ditë para protestës”. Më 25.08.2009, në Prishtinë, në parkingun mbrapa stadiumit të Prishtinës, aktivistët e Vetëvendosjes kanë rrokullisur dhe dëmtuar veturat e misionit ndërkombëtar EULEX, që sipas prokurorit dëmet arrijnë përmasat deri në 95 mijë euro.

Kontrolloni gjithashtu

Kryetari i Asociacionit të Komunave të Kosovës, Sazan Ibrahimi është cituar të ketë deklaruar se komunat e Kosovës përkundër sfidave nga niveli qendror, kanë arritur të shpenzojnë 75 për qind të mjeteve të destinuara për investime kapitale. Ai ka thënë me këtë rast se viti 2024 do të jetë një ndër vitet me sfiduese për nivelin lokal sa i përket investimeve të reja kapitale, kjo pasi Parlamenti i Kosovës nuk ka marr parasysh fare propozimet e komunave për projekte të reja kur ka votuar buxhetin për vitin 2024, që sipas tij, do të ndikonin në zhvillimin ekonomik lokal. Përkundër sfidave që janë ballafaquar komunat në vitin 2023, sa i përket shpenzimeve në investime kapitale komunat kanë rezultate të jashtëzakonshme dhe nëse i krahasojmë me investimet kapitale të shpenzuara nga niveli qendror diferenca është dyshifrore mes nivelit lokal edhe nivelit qendror. Kjo do të thotë që komunat kanë punuar mirë, gjithashtu planifikimet buxhetore i kanë hartuar me seriozitetin më të madh të mundur por edhe zbatimi i tyre përkundër sfidave që janë shkaktuar nga niveli qendror, do të thotë jo vetëm nga ministrit por edhe nga institucionet e nivelit qendror, komunat kanë arritur që të bëjnë shpenzimet të mjeteve për investime kapitale me përqindje jashtëzakonisht të mirë, ka thënë mes tjerash Sazan Ibrahimi.

Sazan Ibrahimi rrëfen kërcënimet me jetë pas debateve me ministrat e Qeverisë Kurti

Drejtori Ekzekutiv i Asociacionit të Komunave të Kosovës, Sazan Ibrahimi, ka deklaruar se ka marrë …