Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Një gjykatë në Shkup ia ka caktuar masën e paraburgimit prej 30 ditësh, Gafurr Dugolli, ish-pjesëtar i UÇK-së që aktualisht punon në Ministrinë e FSK-së. Lajmi e ka konfirmuar për mediet vëllai i tij, Bujar Dugolli. I kanë caktuar 30 ditë paraburgim kjo është një padrejtësi e madhe. Është për keqardhje që shteti maqedonas merr parasysh ligje e fletëarreste të Serbisë për banorët e Kosovës, ka thënë Dugolli. Familjarët e Dugollit kanë qëndruar në Shkup deri në orët e mbrëmjes në pritje të vendimit për të. Ministri i Drejtësisë në Qeverinë e Maqedonisë, Adnan Jashari, kishte deklaruar se nuk do të lejonte ekstradimin e shefit të Protokollit të Forcës së Sigurisë së Kosovës, Gafurr Dugolli në Serbi. Jashari i ka thënë korrespodentit të “RTK-së”, se gjatë orëve në vijim pritet të nënshkruhet vendimi për lirimin nga paraburgimi i Gafurr Dugollit. Tani ministri në shërbim të sllavomaqedonasve duket se e ka të qartë se çfarë ndikimi e autoriteti ka ai në krye të Ministrisë së Drejtësisë.
