Filloi dezinsektimi selektiv kundër rriqrave në Malisheve

20/04/2016 Institucionet

Në kuadër të zbatimit të strategjisë nacionale për luftimin dhe parandalimin e etheve hemorragjike krime kongo (EHKK), nga sot, në territorin e Komunës së Malishevës, ka filluar dezinsektimi selektiv kundër rriqrave, në zonat që cilësohen endemike. Dezinsektimin, është duke e kryer kompania “Truly Nolen”, e cila është e kontraktuar nga Ministria e Bujqësisë. Ky dezinsektim, po bëhet krahas fushatave tjera, për luftimin dhe parandalimin e EHKK.

Sipas drejtorit të Drejtorisë për Shëndetësi dhe anëtari i shtabit komunal për luftimin dhe parandalimin e EHKK, Hajdin Berisha,  në ditën e parë të këtij dezinsektimi, çdo gjë ka shkuar mirë. “Ky dezinsektim, është duke u kryer krahas aktiviteteve tjera që janë duke u zhvilluar në terren për luftimin e këtij virusi. Aktualisht, janë duke u zhvilluar fushata vetëdijesuese nëpër të gjitha shkollat e Komunës së Malishevës, për rrezikun nga thumbimi i rriqrave, si bartës të virusit që shkakton ethe hemorragjike. Po ashtu nga nesër, fillon edhe cikli i dytë i repelimit të kafshëve, në mënyrë që të parandalohet bartja e rriqrave përmes kafshëve”, tha drejtori Berisha.

Kontrolloni gjithashtu

Komisioni komunal për vlerësimin e dëmeve nga breshëri filloi punën në terren

Komisioni komunal i Vitisë, për vlerësimin e dëmeve të shkaktuara nga stuhia dhe breshëri, ka …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara