Shkolla fillore  “Abedin Rexha-Sandokani” ka kremtuar  90 vjetorin e themelimit të saj

14/06/2016 Institucionet

Shkolla fillore  “Abedin Rexha-Sandokani” ka kremtuar  90 vjetorin e themelimit të saj. Në një ceremoni festive të organizuar më këtë rast ka marrë pjesë edhe Presidenti i Republikës së Kosovës z. Hashim Thaçi. Ai  para veteranëve të arsimit, nxënësve dhe mësimdhënësve, si dhe para udhëheqësve shtetërorë e lokalë ka lavdëruar punën edukative dhe arsimore të kësaj shkolle që nga themelimi i saj.

Ndër të tjera z. Thaçi në cilësinë e Presidentit, por edhe të ish-nxënësit të kësaj shkolle, ka folur edhe për rëndësinë e shkollimit në trevën e Drenicës dhe kontributin e mësuesve në përiudha të ndyshme histrorike të vështira. “Rëndësia e shkollës nuk është vetëm në vendbanimin ku gjendet, por me kuadrot që nxjerr ajo”, tha z. Thaçi

 Ai më pas falenderoi ish-mësimdhënësit e tij për kontributin në edukimin e gjeneratave të tëra, duke theksuar se mësimet dhe atdhedashurinë i ka mësuar këtu, në këtë shkollë. “Kudo që jam në Uashington apo Bruksel, mendjen, shpirtin dhe përkushtimin e kam tek ju, te vullneti juaj, te qëndresa juaj dhe te vizioni juaj”, theksoi më tej Presidenti Thaçi.

Para të pranishmëve ka folur edhe nënkryetari i komunës së Skenderajt Fadil Nura, i cili në fjalën e tij theksoi krenarinë që ndjejnë banorët e këtij lokaliteti dhe mësimdhënësit e kësaj shkolle, që Kosovës përveç dëshmorëve, i dhanë edhe elitën politike, i dhanë Presidentin e Republikës së Kosovës z. Hashim Thaçi.

Para të pranishmëve folën edhe ministrat Arsim Bajrami dhe Enver Hoxhaj, kurse një histrorik të shkollës Abedin Rexha-Sandokani e paraqiti drejtori i shkollës Fadil Beqa.

Mysafirët të prirë nga Presidenti Thaçi vizituan edhe ambientet e objektit të ri të shkollës ku takuan shumë nxënës dhe panë nga afër punën e tyre të prezentuar me mjeshtri nga voglushet dhe voglushët.

Shkolla Abedin Rexha-Sandokani këtë vit kremtoi 90 vjetorin e themelimit në objektin e ri i cili është lëshuar në punë para disa javësh. Shkolla Abedin Rexha ka mbi 800 nxënës, ndërsa njihet edhe si shkolla ku Presidenti Hashim Thaçi ka ndjekur shkollimin fillor.

Kontrolloni gjithashtu

U mbajt takimi i këshillit organizativ për nderë të 17 SHKURTIT, përvjetorit të Pavarësisë së Kosovës

Sot, në ambientet e Komunës së Rahovecit, nën udhëheqjen e nënkryetarit, z. Betim Zllanoga, është …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2026, Të gjitha të drejtat e rezervuara