Edhe pjesa e dytë e Testit të Maturës Shtetërore në Mitrovicë kaloi pa probleme

20/06/2016 Institucionet

Ashtu sikur pjesa e parë, edhe pjesa e dytë e Testit të Maturës në komunën e Mitrovicës, ka kaluar pa asnjë incident. Nënkryetari i Komunës së Mitrovicës z. Safet Kamberi, drejtori i Arsimit, Pajazit Hajzeri dhe përfaqësuesit nga MASHT-i, kanë vizituar disa qendra të testimit, me ç’rast u informuan nga afër dhe kanë parë ecurinë  e testit.

Nënkryetari Kamberi vlerësoi lartë përgatitjet e bëra nga Drejtoria e Arsimit. Ai falënderoi të gjithë administruesit e monitoruesit, të cilët ishin drejtpërdrejt të kyçur në këtë proces shumë të rëndësishëm për maturantët.

Drejtori për Arsim  në komunë, Pajazit Hajzeri, tha se drejtoria që ai e drejton me kohë i ka marrë të gjitha masat për realizimin me sukses edhe të pjesës së dytë të Testit të Maturës Shtetërore, duke i zbatuar plotësisht udhëzimet e Ministrisë. Ai tha se testit i janë nënshtruar 1849 maturantë, të shpërndarë në nëntë objekte shkollore me 14 qendra.

Administruesit e testit që kishin ardhur nga qytete të ndryshme të Kosovës, thanë se gjithçka është në rregull dhe se nuk ka pas asnjë problem, as në aspektin e përgatitjeve dhe as në raport me maturantët që ju nënshtruan testimit, për të cilët thanë se ishin të sjellshëm.

Kontrolloni gjithashtu

Kanë filluar konsultimet publike për Planin Zhvillimor Komunal të Ferizajt

Në kuadër të hartimit të Planit Zhvillimor të Komunës (PZHK), Komuna e Ferizajt ka filluar …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara