Komuna e Suharekës harton kalendarin e aktiviteteve buxhetore në bashkëpunim me OSBE-në

28/06/2016 Institucionet

Në një punëtori të organizuar bashkërisht nga OSBE dhe drejtoria për ekonomi, buxhet dhe financa, Komuna e Suharekës hartoi kalendarin e aktiviteteve buxhetore për procesin buxhetor 2017. Në punëtori morën pjesë kryetari i komunës z.Sali Asllanaj kryesuesi i kuvendit komunal z.Refki Gega anëtarët e komitetit për politikë dhe financa dhe të komitetit për komunitete, si dhe drejtorët dhe zyrtarët e tjerë.

Qëllimi i kalendarit të aktiviteteve buxhetore është që t’i bëjë publike hapat dhe afatet kyçe kohore në procesin e hartimit të buxhetit, në mënyrë që të gjitha grupet e interesit të mund të njoftohen dhe t’i kontribuojnë një buxheti gjithëpërfshirës dhe transparent me propozimet dhe mendimet e tyre.

Pjesëmarrësit gjithashtu u dakorduan që të mbajnë edhe takime tematike me komunitete të ndryshme, përfshirë atë të biznesit, personat me nevoja të veçanta, kryetarët e këshillave të fshatrave, drejtorë të shkollave dhe të tjerë. Në ndërkohë, anëtarët e komitetit për politikë dhe financa gjithashtu u zotuan të mbajnë konsultime në disa fshatra më të mëdha, për të cilën gjë kryetari ofroi mbështetje logjistike në organizim.

Kontrolloni gjithashtu

Kryetari Agim Aliu ka pritur në takim U.D Drejtorin Ekzekutiv të AKK-së, Avni Ahmeti

Kryetari i komunës së Ferizajt, z. Agim Aliu në kuadët të aktiviteteve të rregullta ditore …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara