Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Projektligji për Institutin e Krimeve të Kryera gjatë luftës së fundit në Kosovës ka bërë që kryeministri, Albin Kurti dhe deputeti i PDK-së, Abelard Tahiri të kundërshtohen. Abelard Tahiri ka thënë se ky institut do të punësojë militantë dhe publikimet do të jenë të pavlera. Për këtë ka reaguar Kurti, i cili i tha Tahirit “mjaft deputeti me shurdhues”. Shefi i grupit parlamentar të PDK-së, Abelard Tahiri në seancë plenare ka thënë se me nëpunës civilë nuk do të arrihet të dokumentohen krimet e luftës në Kosovë. “Nëpunës civil me tri vjet përvojë pune, 45 që do i punësosh aty, nuk arrijnë të bëjnë këtë punë. Publikimet e tyre do të jenë të pavlera. Funksionimi pranë Zyrës së Kryeministrit do ta bëjë edhe më shumë të pavlerë dhe të pabesueshme. Emrat e atyre njerëzve që i publikojnë këto, nëpunësit civilë do ta bëjnë më shumë të pabesueshëm. Prandaj, sot me miratimin e kësaj strukture siç është kështu, është jashtëzakonisht e dëmshme… Punësimi i 45 militantëve në kuadër të këtij institucioni e pamundëson. Ose qe po themi që zyrtarët më të mirë i merrni, jo militantë, prapë nuk janë njerëzit e duhur që të bëjnë këtë punë sepse duhet të kenë grada shkencore ”, ka deklaruar Tahiri.
