Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Komunës së Gjakovës, Ardian Gjini, ka vlerësuar si shpresëdhënëse deklaratën e presidentit amerikan, Donald Trump, i cili paralajmëroi rikthimin në çështjen e dialogut Kosovë–Serbi. Gjini tha se përfshirja e Shteteve të Bashkuara të Amerikës në procesin e dialogut është e domosdoshme dhe jetike për stabilitetin në rajon. Sipas tij, mos angazhimi i SHBA-ve do të përbënte një skenar shumë të rrezikshëm për Kosovën. “Situata më e frikshme për Kosovën, për mendimin tim dhe të shumë kolegëve të mi, është nëse Amerika dhe aleatët e NATO-s e heqin totalisht vëmendjen nga Kosova. Ajo do të ishte situata më e paqartë dhe më e rrezikshme për ne,” deklaroi Gjini. Ai theksoi se çdo sinjal i angazhimit amerikan në zgjidhjen e mosmarrëveshjeve Kosovë–Serbi është pozitiv, pasi, sipas tij, palët nuk mund të arrijnë marrëveshje vetëm me forcat e tyre. “Nuk besoj që është dikush në Kosovë që mendon se ne mund të zgjidhim vetë këtë mosmarrëveshje – e lëre më një mosmarrëveshje që lidhet me vetë ekzistencën tonë,” tha Adrian Gjini.
